Пра гэты сайт

Шаноўныя сябры і калегі!
Вы зайшлі на сайт, прысвечаны назіранням за птушкамі ў Беларусі. Па-англійску для гэтага занятку ёсць агульнапрыняты тэрмін– birdwatch. Адсюль паходзіць і назва нашага сайту – BIRDWATCH.BY

Варта ўзгадаць, што гэтае хобі толькі ў ЗША як асноўнае ўзгадваюць больш 51 мільёна чалавек! Спадзяемся, што з дапамогай гэтага сайта назіранні за птушкамі стануць больш папулярнымі і ў нашай краіне.

Цяпер сайт знаходзіцца ў стадыі распрацоўкі і ўдасканалення, ў якім кожны з нас можа паўдзельнічаць сваімі заўвагамі, каментарамі ды пажаданнямі. КОЛЬКАСЦЬ ФУНКЦЫЙ, ЯКІЯ ПРАЦУЮЦЬ, БУДЗЕ ПАВЯЛІЧВАЦЦА З ЧАСАМ. Але для гэтага патрэбна і Ваша дапамога. Бо сайт плануецца зрабіць інтэрактыўным з рознай ступенню адказнасці для адпаведных карыстальнікаў. І толькі Вам вырашаць, ці Вы будзеце дадаваць свае назіранні, ці фотаздымкі ў галерэю, ці галасаваць за іх, ці каментаваць усё гэта непасрэдна пад тэкстамі ці на форуме. Шмат цікавага чакае Вас на нашым сайце.

Вашы пажаданні будуць хутчэй заўважаныя, калі Вы накіруеце іх на адрас мадэратара: tyteishi@gmail.com

Варта дадаць, што сайт ствараецца і будзе падтрымлівацца дзякуючы ініцыятыве і ахвярнасці сябраў ГА “Ахова птушак Бацькаўшчыны” (і не толькі) з Гродзенскага і Брэсцкага абласных і Заходне-Палескага рэгіянальнага аддзяленняў, а таксама мінскіх праграмістаў.