Ад Партугалі да Казахстана і ад Мальты да Нарвегіі на мінулых выходных больш за 23 тысячы чалавек назіралі за восеньскай міграцыяй птушак у 40 краінах Еўропы і Цэнтральнай Азіі.
На амаль 900 мерапрыемствах, арганізаваных партнёрамі глабальнай прыродаахоўнай асацыяцыі BirdLife International, атрымалася адзначыць амаль 2,5 мільёны птушак!
Галоўнай мэтай Панеўрапейскіх дзён назіранняў птушак, якія штогод арганізуюццца з 1993 году – як і мінулыя годы – стала паказаць людзям усіх узростаў прыгажосць птушак навокал нас і неабходнасці захаваць іх. Аднак гэта немагчыма без добрых гнездавых тэрыторый у Еўропе, дастатковых месцаў адпачынку пад час міграцый і выдатнага стану месцаў іх зімоўкі.
Дадзеныя па ўсіх краінах-удзельніцах сёлета збіраў партнёр Birdlife з Люксембургу – Таварыства natur&ëmwelt.
Тройка самых шматлікіх відаў пад час назіранняў 4-5 кастрычніка выглядае наступным чынам:
1. Звычайны шпак (Sturnus vulgaris)
2. Лыска (Fulica atra)
3. Качка-крыжанка (Anas platyrhynchos)
Для Беларусі з агульнай лічбы ў 17568 птушак найбольш адзначылі сінатропных відаў, прычым першыя два з сямейства Крумкачовых:
1. Грак (Corvus frugilegus)
2. Каўка (Corvus monedula)
3. Шпак (Sturnus vulgaris)
Найбольшую колькасць птушак - 1 052 681 асобін розных відаў адзначылі, як і найбольшую колькасць мерапрыемстваў падрыхтавалі ў Нідэрландах – ажно 150!
Найбольш удзельнікаў назіранняў было сёлета ў Швайцарыі – 5334 чалавекі. У Венгрыі – 2943, у Швецыі – 3000, ў Нідерландах – 2000 і на пятым месцы апынулася Беларусь з 1645 удзельнікамі.
Сярод самых цікавых назіранняў можна адзначыць першую сёлетнюю рэгістрацыю чарнагаловага рагатуна ў Мінску, куліка-марадунку і гразевіка ў Італіі, 68 дропаў у Славакіі, егіпецкую чаплю і амерыканскага вялікага плывунчыка ў Швецыі, савак, джэкаў і арлана-даўгахвоста ва Ўзбекістане, падкаменку-танцорку ў Нарвегіі.
Паводле www.eurobirdwatch.eu падрыхтаваў Дзьмітры Вінчэўскі
Здымак самага маладога – двухгадовага самастойнага ўдзельніка Дзён назіранняў птушак -2014 у Гродна – Дзьмітрыя Вінчэўскага
На гэтую тэму:
EUROPEAN BIRDWАTCH-2013: У 21 РАЗ АДБЫЛІСЯ НАЙВЯЛІКШЫЯ ЕЎРАПЕЙСКІЯ НАЗІРАННІ ЗА ПТУШКАМІ
- Увайдзіце ці зарэгіструйцеся каб пакідаць каментары.
КАМЕНТАРЫ